ДЮРДЬОВЕ – Од нєшка, 1. фебруара, мож купиц або резервовац карти за Ловарски бал у орґанизациї Ловарского дружтва „Дюрдьов” з того нашого места.
Бал будзе отримани на соботу, 16. фебруара од 19 годзин. Грац будзе Тамбурови оркестер „Да зна зора”, за вечеру будзе ґулаш зоз сарнї, мишане месо, колачи и богата томбола.
Карта кошта 1 500 динари, мож ю купиц або резервовац при Владимирови Остоїновому на 063/547-452. По нєшка карти могли купиц ловаре и члени Дружтва котри каждого року маю першенство у купованю картох.
Бал ше отрима у просторийох КУД „Тарас Шевченко” у Дюрдьове.