НОВИ САД/БЕОҐРАД – Завод за културу войводянских Руснацох информує заинтересованих же ше можу приявиц за одход до Беоґраду на отверанє Дньох рускей култури, хторе будзе на пондзелок, 15. авґуста, у Етноґрафским музею.
У окремним автобусу єст коло 15 шлєбодни места, а автобус на пондзелок з Нового Саду руши на 10 годзин.
Заинтересовани за одход до Беоґраду най ше по соботу вечар (13. авґуста) явя директорки Руского културного центру Наташи Макаї Мудрох на тел.: 062/41-66-40, лєбо до Заводу за културу войводянских Руснацох до ютра до 16 г., на тел.: (021) 548-421.
Шветочне отверанє Дньох рускей култури у Етноґрафским музею у Беоґрадзе будзе на 13 годзин, а манифестация почнє з виставу „Обряди преходох у фокусу обєктиву фотоґрафох Будинскових”. На отвераню Дньох рускей култури участвує и Хор „Гармония” з Нового Саду.