СИВЕЦ – Розписани конкурс за 31. Фестивал акустичарскей музики у Сивцу (ФАМУС), хтори будзе отримани 28. новембра.
Конкурс отворени по 20. новембер, а за участвованє мож конкуровац лєм з авторску композицию, виводзаче шму хасновац лєм акустични инструменти, алє ше будзе толеровац и бас ґитару, лєбо електрични клавир, кед то вимага аранжман. Мож послац два, лєбо три шпиванки, з хторих будзе вибрана єдна.
Попри композицийох, на конкурс треба послац кратку биоґрафию бенду, лєбо соло-виводзача, назву и текст шпиванки, демо-знїмок композициї, як и адресу виводзача, е-адресу и число телефона.
Фахови жири вибере побиднїкох у вецей катеґорийох, а будзе ше оценьовац сценски наступ, квалитет тексту, мелодиї и аранжману, глас, способ граня, ориґиналносц и друге.
Вецeй информациї о конкурсу мож найсц на сайту www.nasemesto.rs лєбо на сайту Дому култури Сивец.