ЖАБЕЛЬ – Як то уж по традициї на законченю школского рока, предсидатель Општини Жабель Чедомир Божич приял школярох ґенерециї зоз шицких штирох основних школох у местох жабельксйе општини и придал им награду – по 30 000 динари.
Того року за школярох ґенерациї у ОШ „Йован Йованович Змай” у Дюрдьове преглашена Тамара Тиркайла, у ОШ „Жарко Зренянин” у Ґосподїнцох Йована Горняк, у ОШ „Милош Црнянски” у Жаблю Николина Тртич и у ОШ „Дюра Якшич” у Чуроґу Владимир Радмило.
На приєму присуствовали и родичи наградзених школярох, а предсидатель Општини Божич з тей нагоди визначел мири хтори Општина пребера за олєгчованє школованя, як цо то стипендованє, плаценє мешачних картох за путованє, пенєжне наградзованє, як и посиланє найлєпших школярох зоз жабльскей општини на лєтованє.