БЕОҐРАД – Пре вельки шанси за доставанє роботи у Сербиї и иножемстве, при малих матурантох найвекше интересованє за штреднї школи з обласц авияциї, медицини и електротехнїки, пише Блиц.
Предсидатель Форуму штреднїх фахових школох Милорад Антич гвари же у медицинскей школи найпопуларнєйши напрями фармацеутски технїчар, технїчар физиятер и лаборант.
– Тоти кадри глєдани и у Сербиї и иножемстве. Медицински технїчаре уж роки глєдани у Нємецкей, Австриї и Италиї, котрим обезпечене змесценє и плаца од 1 400 по 1 600 еври – гвари Антич. Вон гварел же на тарґовищу роботи вше потребни фахи з обласци електротехнїки, як цо администратор мрежи и технїчар рахункару.
– Хлапцом интересантнєйше заниманє технїчар воздухоплївного транспорту за безпечносц, цо ше постава по законченю Воздухоплївней (авиятичарскей) академиї. Вони окончую праксу на Аеродроме „Никола Тесла”, дзе познєйше и конкурую за роботу, а плаца ше руша од 80 000 по 100 000 динари. Тото заниманє глєдане и у арабских жемох – гвари Антич.
У Министерстве просвити гваря же Союзна нємецка аґенция за роботу нєпреривно глєда кадри зоз закончену штредню школу.