ДУХОВНИ ЖИВОТ – Копию Торинскей плащанїци зоз подобу Исуса Христа, хтора будзе стац у церкви св. апостолох Петра и Павла, парох новосадски о. Юлиян Рац пошвецел на Крестопоклону нєдзелю. На нєй указане цело зоз предку, зоз хрибта и места дзе чурела крев.
Гоч ше нїґда нє будзе шицко знац о улоги о. Гавриїла Костельника у Львовским псевдособоре 1946. року, о. др Роман Миз додал свойо искуства ґу тому цо було о нїм написане у „Руским слове”.
Манастир шестрох служебнїцох у Коцуре вовторок нащивела заступнїца Дружтва за руски язик, литературу и културу Ирина Папуґа, и з тей нагоди подаровала виданя Дружтва до скарбу Духовней читальнї.
Цали тексти пречитаце у 14. чишлє наших новинох.