Пaпа Франциско и патриярх Москви и цалей Русиї Кирил зишли ше 12. фебруара на Куби. Стретнуце закончене з подписованьом заєднїцкей Декларациї, за хтору гварене же ма, насампредз, пасторални характер.
Найкратше поведзене, составена є зоз 30 параґрафох и представя поволанє на сотруднїцтво братох у вири, на медзирелиґийни диялоґ, защиту преганяних християнох и одбрану фамелиї. Грекокатолїком окреме важна виражена надїя же стретнуце на Куби допринєше помиреню там дзе єст тензиї медзи грекокатолїками и православнима.
Медзитим, аґенциї у швеце пренєсли и же поглавар УГКЦ Святослав Шевчук критиковал заєднїцку декларацию папи и патриярха Кирила, окреме часц хтора ше одноши на Україну.
Цали текст пречитаце у 7. чишлє наших новинох.