СЕРБИЯ – Министер за позарядово ситуациї Велимир Илич наявел же до конца рока на вецей местох буду поставени станїци хтори буду мац автоматски системи за наводзенє процивкаменцових ракетох на хмари.
Понеже прешлого року елементарни нєпогоди спричинєли чкоду коло милиярду и 700 милиони еври, Илич визначел значносц превентивного дїлованя. Медзитим, у превенциї проблем же у Сербиї нєт досц процивкаменцово ракети.
По словох заменїка у Секторе за позарядово ситуациї Дьордя Кардума, у нашей жеми єст 1 600 процивкаменцово станїци, а за ефикасну защиту потребни коло 12 000 ракети. Сербия тераз розполага лєм з 3 300 процивкаменцовима ракетами, а гоч тирва набавка ище 2 600 ракетох, то нє достаточне за защиту од каменцу.