СРИМ – На ютре, на Перши дзень Велькей ноци Служба Божа з пошвецаньом Пасхи у Шидзе будзе на 10 годзин, як и на Други и Треци дзень швета. Шицки богослуженя будзе служиц парох о. Михайло Режак, а на Други дзень будзе и мированє.
Служба Божа з пошвецаньом пасхи у Бикичу ютре будзе на 8 годзин, а у Беркасове на 10,30 г. На Други дзень швета богослуженє у Бикичу на 9, а у Беркасове на 10,30 г., кеди у обидвох церквох будзе и мированє. По традициї, на Други дзень будзе и благослов гробох – у Беркасове на 14, а у Бикичу на 15 годзин.
На Треци дзень швета богослуженє будзе лєм у Беркасове на 10,30 годзин, а шицки богослуженя будзе служиц парох о. Владимир Еделински Миколка.
У Бачинцох на Перши дзень Воскресеня Христового на 7 годзин будзе служена Пасхална Утриня, а на 10 годзин Служба Божа з пошвецаньом пасхалних кошаркох.
Богослуженя на Други и Треци дзень у Бачинцох тиж буду на 10 годзин, а шицки богослуженя будзе служиц парох о. Дарко Рац.