КУЛА/ЧЕЛАРЕВО – На зонских смотрох дзецинскей музично-фолклорней творчосци, хтори 16. мая буду отримани у Кули и Челареве, буду участвовац и дзецински ансамбли зоз руских културно-уметнїцких дружтвох.
На Зонскей смотри у Кули у старшим возросту (од 5-8 класу основней школи) наступя и дзеци зоз КУД „Жатва” з Коцура з точку „Пастирски танци” хторей уметнїцки руководителє Андреа Макаї и Желько Фаркаш.
У тей ґрупи буду ше змагац и танцоше з Дома култури Руски Керестур з танцом „Дружки на вешелю” под уметнїцким руководзеньом Ґабриєли Саянкович, а тиж и члени КУД „Карпати” з Вербасу з точку „Руски танци” з уметнїцку руководительку Ирену Скубан.
На Зонскей смотри у Челареве буду ше змагац и дзеци з Руского културного центру (РКЦ) з Нового Саду хтори ше представя з хореоґрафию „Руски танци” хтори обдумал Владимир Иван – Вева, а вєдно з Михаилом Римаром их и пририхтал. Музику за танєц поробел Мирослав Пап, а руководитель оркестра Владимир Сивч.