РУСКИ КЕРЕСТУР – У голу Дому култури у Руским Керестуре на нєдзелю, 1. фебруара, буду виложени фотоґрафиї младей уметнїци з Керестура Марияни Павлович, а нащивителє их годни поопатрац пред и после представи „Як забиц предсидателя”, хтору на 20 годзин виведзе РНТ „Петро Ризнич Дядя”.
Виложени роботи часц з Марияновей кнїжки чарно-билих фотоґрафийох „Проблеми”, хтора у децембру прешлого року вишла як додаток у младежским часопису МАК.