На нєдзелю ювилейни концерт Александра Дуїна

автор ртв/зам
1.2k Опатрене

НОВИ САД – Познати музичар, джез-пияниста Александар Дуїн того року означує 40 роки авторскей и професийней роботи и з тей нагоди на нєдзелю, 8. мая, у Синаґоґи у Новим Садзе отрима концерт.

Публики будзе представене нове виданє компакт-диску „My Jazz Way” з колекцию Дуїнових авторских композицийох хтори настали од 1976. року по нєшка.

Александар Дуїн єден з найпопуларнєйших тутейших музичарох, джез-пиянистох и композиторох. Штири децениї формовал джез-сцену Войводини, а у своєй музичней кариєри комбиновал и „бавел ше” з рижнима жанрами – од мейнстрима, прейґ латино-звуку по модернио джез, каждому даваюци свой препознатлїви єдинствени стил.

Александар Дуїн сотрудзовал и з рускима музичарами, насампредз з Владимиром Малацком, як и з Фестивалом рускей култури „Червена ружа”, у виводзеню нових забавних композицийох.

Дуїнов концерт на нєдзелю у Синаґоґи будзе на 20 годзин, а уходнїци мож купиц у Музичней младежи Войводини. Можлїви и он лине резервациї, прейґ сайту www.muzickaomladina.org.

ПОВЯЗАНИ ТЕКСТИ