СВИДНЇК (СЛОВАЦКА) – Того викенду у Свиднїку, у Словацкей, будзе отримани познати фестивал – 61. Швето култури Русинох-Українцох Словацкей Републики, у орґанизациї Союзу Русинох-Українцох Словацкей.
Фестивал у свиднїцким амфитеатре будзе отримани од 19. по 21. юний, а попри велїх домашнїх и музично-фолклорних ансамблох зоз Словацкей, та професийного ансамблу ПУЛС з Пряшова, на Фестивалє буду участвовац и госци з иножемства.
Як наявене, на Швету култури у Свиднїку наступи и ансамбл КУД „Жатва” з Коцура, а фестивал буду провадзиц и шесцеро млади зоз Сербиї, спред Роботного цела за младеж Националного совиту Руснацох.