НОВИ САД – На новосадским Природно-математичним факултету (ПМФ) на пияток, 17. априла будзе отримана манифестация „Ноц биолоґиї“, за хтору студенти и професоре пририхтали вецей як 50 интерактивни роботнї.
На манифестациї школяре основних и штреднїх школох годни видзиц, лєбо и сами участвовац у рижних експериментох. Програма „Ноци биолоґиї“ подзелєна до седем часцох, а програми на „Ноци биолоґиї” почню 16 годзин, и буду тирвац до пол ноци. Маскенбал за основношколцох будзе на 16 годзин, а квиз за штредньошколцох „Жадаце постац еколоґ?“ на 17 годзин.
На 19 г. почнє дискусия Студентского парламенту ПМФ з тему „Прецо студирац биолоґию и еколоґию“, а на 20 г. дебата о ловстве. После дебатох будзе проєкция филму „Потиски бисер“.