НЕҐОТИН – Школяре Милица Радошевич, Таня Надь, Матей Катрина и Милена Никитович зоз Школи за основне музичне образованє у Кули, и з єй керестурского оддзелєня наградзени на 59. Републичним фестивалу музичних и балетских школох хтори бул отримани од 7. по 13. май у Неґотину.
Милица Радошевич, школярка трецей класи на гармоники зоз Кули, освоєла другу награду, а у своїх катеґорийох други награди освоєли и Таня Надь, школярка шестей класи на тамбури-прим, а Матей Катрина з трецей класи на тамбури-басприм, обидвойо з Руского Керестура.
Трецу награду освоєла Милена Никитович зоз Кули, школярка штвартей класи на клавире, а пласман цалей школи друге место.
