НОВИ САД – У рамикох 25. Дньох Миколи М. Кочиша на соботу, 5. децембра, у Новим Садзе будзе отримана Скупштина Дружтва за руски язик, литературу у културу (Дружтво). Скупштина будзе у Руским културним центре на 12 г., а з тей нагоди будзе отворена и вистава подобових роботох з Дзешатей колониї „Стретнуце у Боднарова” у Ґосподїнцох, як и представянє трох нових виданьох Дружтва.
Тогорочна Културна манифестациї Днї Миколи М. Кочиша почала вовторок, 1. децембра, кеди на Кочишов и на гроб Меланиї Павлович на Городским теметове у Новим Садзе представителє Дружтва положели квеце.
З нагоди 45-рочнїци снованя Дружтва, його представителє на ютре нащивя новосадске Оддзелєнє Заводу за видаванє учебнїкох. Дружтво основане 4. децембра 1970. року праве у просторийох Заводу, дзе редактор бул Микола М. Кочиш, котри бул и перши предсидатель Дружтва.
Литературни и други програми у рамикох Дньох Миколи М. Кочиша у вецей наших местох буду отримовани по 20. децембер.
