ШИД – Осми по шоре Фестивал тамбурових оркестрох ,,Мелодиї Руского двору” будзе отримани на соботу у порти Лєтнєй владическей резиденциї з початком на 19 годзин.
Тамбурово оркестри виведу по три композициї, а будзе их оценьовац фахови жири хтори преглаши три найлєпши оркестри, а публика будзе гласац за найлєпши оркестер по своїм думаню. Побиднїки достаню малюнки.
У ревиялней часци публику будзе забавяц Тамбурови оркестер ,,Равница” зоз Суботици.
Цена уходнїци, хтора источасно и гласацки лїсток, виноши 100 динари, а нащивителє пред Фестивала годни поопатрац виставу малюнкох зоз шестей Подобовей колониї ,,Руски двор 2015”.
Кед хвиля будзе нєвигодна, Фестивал будзе отримани у сали Културно-образовного центра у Шидзе.