На чесц Дюрови Макайови

автор зам/злк
1.1k Опатрене

КОЦУР – У коцурским Доме култури вчера почали треци Днї театру, тирваю и нєшка и ютре, а пошвецени су Дюрови Макайови, коцурскому визначному ґлумцови и режисерови, котри того року означує 40 роки театралней творчосци,  45 роки роботи у култури и 60 роки живота. През три днї буду приказани шейсц зняти представи хтори Дюра Макаї режирал з коцурскима аматерами.

5-Makaji-02

Програму отворела нова предсидателька Етно-клубу „Одняте од забуца” и длугорочна Дюрова колеґиня Аранка Медєши, котра пречитала його биоґрафию, а отворела и виставу фотоґрафийох на хторих приказани Макайов живот и робота у култури.

Ювилеї Дюрови повинчовал и предсидатель Рускей матки и предсидатель Шветовей ради Руснацох/Русинох/Лемкох Дюра Папуґа, котри му подзековал на доприношеню рускей култури.

Дюра Макаї дотераз ґлумел у пейцох, а режирал вецей як 20 представи.

5-Makaji-03

Вчера були проєкциї представох „Франтовнїца” и „Святко и Меланка”, нєшка буду приказани представи „Поп Чира и поп Спира” и „Мистер долар”, а на ютре представи „Зла жена” и „Ожалосцена фамелия”. Проєкциї представох у Доме култури у Коцуре починаю на 19,30 годзин.

5-Makaji-04

 

ПОВЯЗАНИ ТЕКСТИ