На ютре почина „Костельникова єшень”

автор зам
750 Опатрене

РУСКИ КЕРЕСТУР – На ютре, 6. новембра, почина 22. Културна манифестация (КМ) „Костельникова” єшень”, хтора по 21. новембер будзе отримана у вецей наших местох.

Програма „Костельниковей єшенї” ютре почнє у керестурскей Школи „Петро Кузмяк” з представяньом нових творох Ирини Гади Ковачевич, Меланиї Римар, Агнети Бучко Папгаргаї, Владимира Бесерминя, Миколу Шанту, Асї Папуґа и Ксениї Лїкар, после чого исти дзень у Керестуре будзе перши з вецей планованих литературно-музичних вечарох.

На ютрейшим литературно-музичним вечаре, хтори на 18,30 г. будзе отримани у керестурским Ресторану, госц будзе и познати сербски писатель Светислав Басара.

Три програми КМ буду у Коцуре – 12. новембра у ОШ и у Читальнї, 14. новембра у Етно-клубу „Одняте од забуца”, а 14. новембра Литературно-музични вечар будзе и у Дюрдьове.

У Руским Керестуре 7. новембра будзе представени и нови музични компакт-диск „Керестурски штири дзвони”, а цаловечарши концерт Суботицкого тамбурового оркестру будзе у Велькей сали керестурского Дому култури 13. новембра. Обидва програми пошвецени и представяню дзепоєдних наших нових кнїжкох, як и творох Гавриїла Костельника.

Стретнуце рецитаторох будзе на соботу, 21. новембра у Кули, а „Костельникова єшень” исти дзень будзе закончена у Руским Керестуре з Мултимедиялну манифестацию младих „Дньовка”.

ПОВЯЗАНИ ТЕКСТИ