ШИД – У Руским доме у Шидзе (у просторийох КПД „Дюра Киш”) на ютре, 27. фебруара будзе порядна Рочна скупштина Рускей матки (РМ). Скупштина почнє на 14 годзин, а на дньовим шоре розпатранє Звиту о роботи РМ у 2015. року, звитох о роботи месних, городского и реґионалного одбору РМ за прешли рок, Финансийного звиту за прешли, як и плани роботи РМ и єй одборох по местох за тот рок.
На Скупштини будзе дата и информация о дотерашнїх и наступних заєднїцких активносцох Рускей матки, Бунєвскей матки, Матки словацкей и Матици сербскей.
Члени РМ на схадзки Скупштини буду упознати и з активносцами Шветовей ради Русинох/Руснацох/Лемкох (РРЛ), а мали би буц утвердзени и предкладаня Матки за медзиконґресни зашеданя комисийох Шветового конґресу РРЛ у тим року.