РУСКИ КЕРЕСТУР – Програма Дзевятих „Поетских нїткох Меланиї Павлович”, хтору орґанизує Дружтво за руски язик, литературу и културу, на ютре, 9. октобра, будзе отримана у Руским Керестуре, у школским будинку Замок.
Школска програма почнє на 12 г., на нєй будзе додзелєне и припознанє з меном Меланиї Павлович найвреднєйшим читательом Библиотеки и школяром Основней и штреднєй школи „Петро Кузмяк” у Керестуре.
Тиж так, на ютрейшей програми буду додзелєни и поєдинєчни припознаня Дружтва за руски язик, литературу и културу за посцигнути резултати у просвити, информованю, театралней дїялносци и популаризованє руского скарбу и музичней творчосци, хтори ноша мена наших визначних особох зоз спомнутих обласцох.