НОВИ САД – На 21. Салонє кнїжкох на Новосадским сайме вчера свою лоньску видавательну продукцию представела НВУ „Руске слово”, як и найновше тогорочне виданє, кнїжку Ирини Гарди Ковачевич „Галов” – критики, огляди, есеї, хтора руским читачом будзе ориєнтир у рускей литератури. О кнїжки бешедовали одвичательни редактор Видавательней дїялносци Микола Шанта и рецензент виданя Микола М. Цап, одвичательни редактор „Шветлосци”. О подобовим ришеню рамикох бешедовала авторка Мария Ковачевич.
Тиж так, вчера на Салонє лоньску продукцию своїх виданьох представел и Завод за културу войводянских Руснацох, а о кнїжкох бешедовали директор Заводу мр Серґей Тамаш, рецензент Дюра Латяк, як и Александер Мудри и Саша Сабадош.
Завод з тей нагоди представелоп кнїжку Юлияна Тамаша „Центурион”, Каталоґ кодификованя руского народного облєчива, „Червена ружа – нова музичну творчосц у забавним духу”, два мастер роботи и моноґрафию „Руснаци у Вербаше”.