ЖАБЕЛЬ – Медзи рецитаторами котри ше зоз жабельскей општини пласовали на Зонску смотру рецитаторох и три рецитаторки з Дюрдьова котри рецитовали по руски – Милица Мигальовски у младшим и Валентина Салак и Валентина Михняк у штреднїм возросту.
Општинска смотра рецитаторох жабельскей општини отримана вовторок, 10. марца у Народней библиотеки у Жаблю, а участвовал 31 рецитатор у трох возростох.
Попри спомнутих, з писнями по руски на Општинскей смотри участвовали и Лука Кухар, Ясмина Мудри и Желяна Такач у младшим и Аня Роман у штреднїм возросту, а рецитаторе по руски ше змагали спред дюрдьовскей ОШ и КУД „Тарас Шевченко”.
Наших рецитаторох котри ше пласовали на Зонску смотру у КУД „Тарас Шевченко” пририхтал Яким Гарди, а у ОШ „Йован Йованович Змай” Мария Самарджич.