НОВИ САД – У новосадскей Ґимназиї „Йован Йованович Змай” урядово почала робиц система „Мудрей хижи”, хтора подрозумює хаснованє найсучаснєйшей технолоґиї, школяре ґрадиво уча з „електронского учебнїку”, а циль такого способу отримованя настави то интердисциплинарносц.
Интерактивни табли, у комбинациї з интернетом, поставаю електронски учебнїки, наставну єдинку такой мож подкрипиц з рижнима текстами або податками з интернету, а задатки ше у истим моменту преноши на таблет-рахункари школярох.
У школи єст 16 медзисобно повязани мудри табли, а маю приступ 60 000 едукативним базом у цалим швеце.
З тей нагоди, на пилот-годзини по концепту „Мудрей хижи” при школярох математичного напряму Ґимназиї „Йован Йованович Змай”, котри наставу слухаю двоязично, присуствовал и войводянски премиєр Боян Пайтич, котри визначел же то перша школа у Сербиї, та аж и у реґионє, хтора применює таку технолоґию у образованю.