Новемберски ”Дзвони”

автор маф
1.3k Опатрене

РУСКИ КЕРЕСТУР – У керестурскей парохиї вишло нове, новемберске число Християнского часопису ”Дзвони”, хторе з найвекшей часци приноши статї пошвецени шветом Миколая и Крачун, та у вецей рубрикох тексти з темами вязанима за спомнути швета.

З нагоди 20-рочнїци снованя, друге предлуженє сериялу Каритас – история и сучасносц бешедує о Милосердию у християнстве, ту и статя з нагоди Нєдзелї Каритасу у тим року и звит о роботи керестурского парохийного Каритасу.

У ”Дзвонох” и текст о екуменским семинаре у Струґи, висти о подїйох у вселенскей Церкви, та написи о Михалїни Каган з Добановцох, Якимови Дудашови з Керестура и Юлиянови Папови, наградзеному прекладательови и сотруднїкови ”Дзвонох”.

Рубрика за фамелию пошвецена пестованю одношеньох медзи супружнїками, а рубрика за дзеци св. Миколайови, дзе и драмска сличка ”Страцени ангел св. Миколая”.

У додатку ”Богословска думка” написи ”Церква и швет” и предлуженє преглїбйованя Служби Божей преждеосвящених дарох.

ПОВЯЗАНИ ТЕКСТИ