ВЕРБАС – На подручу Другей Месней заєднїци (МЗ) у Вербаше роботнїки ЯКП „Комуналєц” поставели 20 канти за шмеце, а инициятиву порушал Совит Другей МЗ, хтора за тото обезпечела и средства, преноши портал Општини Вербас.
Як визначел секретар Другей МЗ Милош Килибарда, приоритет були места дзе ше зазберує векше число гражданох, як цо то дзецински бавилїща, автобуски станїци и зони коло школох – Ґимназиї „Жарко Зренянин” и основних школох „Братство-єдинство” и „Петар Петрович Нєґош”.
Роботнїки „Комуналцу” ремонтовали 13 стари канти за одпад, док Друга МЗ обезпечела 7 нови канти.