НОВИ САД – Подпредсидатель Покраїнскей влади и Покраїнски секретар за польопривреду, водопривреду и лєсарство Бранислав Боґарошки польопривреднїком вчера придал 76 контракти за софинансованю опреми за наводньованє, за цо у войводянским буджету обезпечени 72 милиони динари.
Вкупна вредносц инвестициї виноши 194 милиони динари, з чого за польодїлство наменєни 51 милион, за заградкарство 11,5 милиони и за овоцарство 9,2 милиони.
Подписани и 39 контракти за продукцию у пластенїкох, чия вредносц 12 милиони динари цо, як гварел Боґарошки, оможлїви же у Войводини будзе нови 1 100 гектари под системами за наводньованє и коло 40 000 квадратни метери нови пластенїки.