НОВИ САД – Гоч нє достал титулу Младежскей престолнїци Европи за 2018. рок, Нови Сад будзе конкуровац за 2019. рок, наявене з Инициятиви Нови Сад – Младежска престолнїца Европи 2019 рок.
– Прешлого року Нови Сад вошол до найузшого кругу, а понеже цала младежска заєднїца потримала кандидованє городу, того року облапиме аж 91 младежску орґанизацию и орґанизациї за младих – гварел координатор Инициятиви Вукашин Ґрозданович.
Мото кандидованя того року будзе „Отвераюци дзвери”, а на ютре будзе перши тогорочни Младежски форум, на хторим ше зиду младежски орґанизациї хтори потримую кандидованє Нового Саду за Младежску престолнїцу.
Тота титулу ше додзелює европскому городу на рок, а за тот час Младежски европски центер, з отримованьом рижних програмох и манифестацийох, може приказац културни, дружтвени, политични и економски живот. Влонї титулу за 2018. рок достал портуґалски город Кашкаїш.