ДЮРДЬОВ – Члени Виводзацкей фолклорна ґрупи КУД “Тарас Шевченко” з Дюрдьова закончую поставянє нового танцу „Жима на Кочу”, у хореоґрафиї Звонка Барну з Дюрдьова.
Попри того танцу, уметнїцки руководителє тей фолклорней ґрупи Саня и Микола Хромишово з танєчнїками обновели и поставели ище два танци – „Дюрдьовски козачок” и Танци зоз заходней Сербиї.
Виводзацка фолклорна ґрупа ма двацец двоїх членох, проби ше отримую три раз до тижня, декеди и вецей раз, а нови репертоар шицких секцийох дюрдьовского КУД будзе представени на традицийним Рочним концерту на Вельку ноц.