БЕОҐРАД – Тогорочна европска културна манифестация „Ноц музейох” будзе 21. мая, а понеже ше наполнюю 400 роки од шмерци Вилєма Шекспира и Миґела де Сервантеса, орґанизаторе наявели же тема будзе „вична моц шмиху як моцного порушовача и инспирациї за дїла хтори означели шветову литературу и уметносц”.
– У тогорочней „Ноци музейох” жадаме виволац ошмих и инспировац учашнїкох же би их при вибераню темох мотивовал (о)шмих, алє и розбиц страх од празновиря – сообщела Координация 13. „Ноци музейох”.
Окрем горе спомнутих, того року ше означує и 160 роки од народзеня Николи Тесли, Сиґмунда Фройда и Стевана Мокраньца, 260 роки од народзеня Моцарта, 150 роки од народзеня Ерика Сатия и 100 роки од шмерци Петра Кочича.