КОЦУР – Манифестациї “Ноц музейох”, у хторей участвую числени музеї ширцом Сербиї, придружел ше и Етно-клуб “Одняте од забуца” зоз Коцура хтори за нащивительох будзе отворени нєшка од 20 по 22 годзин.
Тогорочна Ноц музейох у Етно-клубе пошвецена 190-рочнїци наставаня першей фотоґрафиї, та з тей нагоди у просторийох Клуба будзе поставена вистава фотоґрафийох зоз прешлосци Коцура чий автор Райко Шолая.