Нєзвичайни наступи на Фестивалє обрадовали нащивительох

автор ядю
760 Опатрене

НОВИ САД – Всоботу позно вечар закончени 15. Фестивал улїчних музичарох, хтори, и попри нєвигодней хвилї, провадзели вельо нащивителє. Отверанє, односно штварткову цаловечаршу програму провадзели вецей як 20 тисячи особи, а велї нащивителє участвовали у колони хтора ше прешпацирала през центер городу, з провадзеньом италиянского дуйно-бубнярского составу BadaBimBumBand, жонґлерох и бубнярох Драґолюба Дюричича. Исти вечар отримани и street musical clash ґрупох Let 3 и Atheist rap.

Други вечар бул у знаку Караоки битки – змаганя новосадских квартох, мултиинстрименталистох и велїх концертох, а того дня отримани и даскельо дзецински и музично-акробатски представи.

Фестивал закончени з концертами на хторих публика штири годзини уживала и танцовала свинґ, а окремне доприношенє одличней атмосфери дала ґрупа Movaizhaleine з Ґабону.

Тогорочни Фестивал улїчних музичарох тривал од 3. по 5. септембер, у орґанизациї Уметнїцкей асоцияциї „Инбокс” з Нового Саду, з потримовку велїх институцийох и установох.

 8-FUM-02

ПОВЯЗАНИ ТЕКСТИ