Нєлеґално ше мешачно троши 200 000 кубики води

автор танюґ
813 Опатрене

НОВИ САД – Явне комуналне подприємство (ЯКП) „Водовод и канализация” придало виновни прияви и тужби процив гражданох и правних особох котри нєлеґално троша воду и сообщело же за остатнї два роки у Новим Садзе вода украднута у вредносци вецей як 4 милиони еври.

За тот пенєж могло финансовац початок вибудови новей фабрики води на сримским боку Нового Саду, вибудовац даскельо дзешатки километери водоводней и канализацийней мрежи, а вецей як 2 000 ґаздовства могли достац приключки за воду и канализацию – гвари ше у сообщеню з ЯКП.

Понеже ше нєлеґално трошело 200 000 кубики води мешачно, ЯКП „Водовод и канализация” и Город Нови Сад очкодовани за 420 милиони динари.

Александар Вуковац з ЯКП „Водовод и канализация” гварел же у Новим Садзе вибудовани вецей як 300 километери нєлеґалней водоводней мрежи, алє з порядним препатрунком екипох на терену векшина з тих хасновательох евидентована и воду ше им наплацує по спорозуменю о дочасовим приключеню.

ПОВЯЗАНИ ТЕКСТИ