АПОСТОЛСКИ ЕҐЗАРХАТ – Нєшка у шицких парохийох нашого Апостолского еґзархату хтори ше притрумую юлиянского календару швето Богоявлєнє Господнє – по народним Трокралї.
Богоявлєнє єдно з найстарших и найвекших християнских шветох и припомина євангелску подїю кед ше под час Исусового кресценя на Йордану обявела св. Тройца.
По традициї, вчера вечар вирни у своїх домох означели Трокральову вилїю, а нєшка швето будзе преславене на богослуженьох у наших церквох.
На Службох Божих на тот дзень ше окончує и обряд пошвецаня води, зоз хтору священїки наступни днї буду пошвецац обисца своїх парохиянох.