ВЕРБАС – Нєшка на 8 годзин у Вербаше почнє велька акция на ушорйованю животного простору з назву „За город Вербас здружме роботу”, на хтору приход потвердзели заняти и члени велїх институцийох, установох, подприємствох и здруженьох.
На окремни способ до акциї ше уключи и Дом здравя „Велько Влахович”, та у тей установи нєшка од 8 до 12 годзин, без чеканя и заказованя, гражданє годни окончиц дзепоєни препатрунки и достац информацию о своїм здравю.
У нєшкайшей акциї буду участвовац заняти у Полицийней станїци Вербас, ЯПВ „Води Войводини”, АД „Медела”, ПП „Сава Ковачевич”, Явней аґенциї за зоогиґиєну и польопривреду, Културним центре Вербас, Центру за физичну културу, Общим шпиталю Вербас и других установох.