ОСИЄК – У орґанизациї КУД Руснацох Осиєк нєшка, 5. децембра, у Осиєку будзе отримане єденасте стретнуце хорох и шпивацких ґрупох Руснацох у Републики Горватскей „Дравски габи”.
Наступя два дружтва з Петровцох, та по єдно з Вуковару, Миклошевцох и Винковцох, як и шпиваче домашнього Дружтво з Осиєку. На „Дравских габох” з єдним танцом наступи и новооснована фолклорна ґрупа КУД Руснацох Осиєк.
Госци на тогорочней манифестациї буду члени КУД „Петро Кузмяк” з Нового Орахова, з Войводини, та Матици Словацкей з Осиєку, а домашнї обчекую коло 180 учашнїкох у програми.
„Дравски габи” почню на 17 годзин у ОШ „Антун Миханович”, Ґундуличова 5А.
Манифестацию ше отримує з финансийну потримовку Совиту за национални меншини РГ, Городу Осиєк и Осиєцко-бараньскей жупаниї, а спонзоре „Дравских габох” Пивовара „Осиєк” и „Биєлич&Ко”.