СУБОТИЦА – Традицийна Културна манифестация Дружтва Руснацох у Суботици „Яр Мафтея Виная” будзе отримана нєшка, 17. априла, у Городскей читальнї у Суботици. Пред вечаршу литературно-музичну програму, дополадня будзе положенеквеца на гроб Мафтея Виная.
Вечарша програма у Городскей читальнї почина на 19 г., того року є пошвецена нашим младим автором, так же буду представени фотографиї Марияни Павлович з Руского Керестура, редакторка Мая Зазуляк представи часопис МАК, а у присустве авторох будзе представена и найновша двокнїжка поезиї у виданю МАК-у „Чаривни нїтки” Цецилиї Надь з Керестура и „З молу до дуру” Михаила Рамача з Дюрдьова.
У музичней часци програми наступя Керестурци Анамария Колошняї, котра на школованю у Суботици, Златко Русковски, та млади шпивачки Марина Роман и Александра Русковски.
„Яр Мафтея Виная” у Календаре репрезентативних манифестацийох Националного совиту Руснацох.