РУСКИ КЕРЕСТУР – На репертоаре 47. Драмского мемориялу Петра Ризнича Дядї нєшка, пондзелок, лєм дзецинска представа Руского КУД „Др Гавриїл Костельник”.
Дзеци з Кули на 13 г. у Велькей сали Дому култури одбавя фалат Роберта Такарича „Маче, любим це як цо качка люби каче”, у режиї Александри Лендєр.
На ютре на Мемориялє буду три збуваня – на 15 годзин дзецинску представу одбавя дзеци з новосадского РКЦ, на 17 годзин будзе округли стол о терашнїм стану у нашей театралней дїялносци, а на вечар на репертоаре побиднїцка монодрама з прешлорочного Руского фестивалу малох сценских формох „Дюра Папгаргаї”.