СИВЕЦ – У Сивцу нєша на вечар почина Општинска смотра театралней творчосци „Велимир Сандич Велько”, на хторей ше змагаю театрални представи драмских аматерох з местох кулскей општини.
На Смотри участвую шейсц представи – Драмского студия „АРТ” Дому култури Руски Керестур, Драмского студия „Луча” КУД „Крущич” з Крущичу, два представи Културного центру Кула, Театру „Стеван Сремац” Дому култури Червинка и представа домашнєй Драмскей секциї „„Велимир Сандич Велько” Дому култури Сивец.
Општинска смотра нєшка почнє з представу Керестурцох „Врацим ше по вашо души” Стивена Кинґа, у режиї Владимира Надя Ачима, а на штварток, 26. марца, Смотра будзе закончена з представу „Живот у цесних ципелох” Душана Ковачевича”, у режиї Ани Илич, драмских аматерох зоз Сивцу.
Селектор представох на Општинскей смотри писатель и театрални критичар Давид Кецман Дако зоз Зомбора, а шицки представи починаю на 20 г. у сали Дому култури у Сивцу. Орґанизатор Смотри Културно-просвитна заєднїца Општини Кула.