Нєшка представянє кнїжки „Народи на тлу Войводини”

автор 021/зам  
880 Опатрене

НОВИ САД – У Кнїжкарнї „Мост” у Новим Садзе нєшка будзе представена кнїжка др Любомира Церовича „Народи на тлу Войводини”, як и кнїжка „Серби у Словацкей”. Промоция будзе на 13 годзин.

У кнїжки „Народи на тлу Войводини” автор провадзи збуваня у праисториї, у старим, штреднїм и новим вику хтори приношели демоґрафски пременки, а у  остатнєй часци, наволаней „Сучасна история”, др Церович ошвицел ключни збуваня у Войводини у Першей шветовей войни, медзи двома войнами, у Другей шветовей войни и по ошлєбодзеню.

Занїма ше з уплївом нєматериялней култури и историйских збуваньох на насельованє Войводини, етнїчни процеси у нєй и операюци ше на податки з преверених жридлох, автор документовано презентує мозаик народох на тлу Войводини у прешлосци и терашньосци – гвари ше у наяви за промоциї кнїжки  „Народи на тлу Войводини”.

ПОВЯЗАНИ ТЕКСТИ