РУСКИ КЕРЕСТУР – У рамикох своєй Жимскей школи, Здруженє продуковательох паприґи Руского Керестура нєшка, 16. децембра, орґанизує ище єдно преподаванє за шицких заинтересованих паприґарох. Преподаванє будзе на 16 годзин у Ресторанє „Червена ружа”.
На преподаваню буду анализовани резултати продукциї паприґи на оглядним полю у Керестуре подприємства „Тимок Аґрар Балкан” з Нового Саду, як и гришки у рогорочней продукциї паприґи.
Здруженє тиж информує шицких заинтересованих продуковательох паприґи же по 25. децембер по вигоднєйших ценох можу обезпечиц нашенє паприґи „слоново ухо” и „биле ухо” подприємства „Супериор” з Велькей Плани. Найменєй мож заручиц пакованє од 10 деки, а шицки заинтересовнаи най ше явя Душици Орос.