Нєшка ребаланс буджету Општини Кула

автор зам
837 Опатрене

КУЛА – Нєшка будзе отримана схадзка Скупштини општини (СО) Кула, на хторей главна точка ребаланс буджету Општини за тот рок, а ма буц принєшена и Одлука о анґажованю екстерней ревизиї консолидованого закончуюцого рахунку Општини Кула за прешли рок.

Одборнїки на остатнєй схадзки у тим зволаню принєшу и Одлуку о окончованю комуналних дїялносцох, вименки и дополнєня Статуту Дому култури Руски Керестур, та Ришенє о даваню согласносци на Финансийни план Дому здравя Кула за 2016. рок.

На дньовим шоре и звит о роботи Штабу за позарядово ситуациї Општини Кула за прешли рок, прилапйованє вименкох програмох дїлованя з финансийнима планами явних подприємствох хторим снователь Општина, менованє директорох у ЯП, менованє членох школских одборох, як и вименки и дополнєня Општинскей виберанковей комисиї у стаємним составе.

ПОВЯЗАНИ ТЕКСТИ