Нєшка Републичне змаганє з руского язика

автор м. афич
299 Опатрене

РУСКИ КЕРЕСТУР – У Основней школи Петро Кузмяк у  Руским Керестуре нєшка будзе отримане 20. ювилейне Републичне змаганє з руского язика и язичней култури основних школох у хторих ше настава орґанизує по руски и школох у хторих ше руски язик виучує як виборни предмет зоз елементами националней култури.

Змагац ше буду школяре седмей и осмей класи хтори пласман на Републичне змаганє виборели на 11. Медзиокружним змаганю хторе пред двома тижнями, тє. 15. мая тиж у керестурскей Школи. У порядней настави зоз седмей класи будзе штверих змагательох а зоз осмей шесцерих, док у виборней настави змагац ше буду пецеро зоз седмей и шесцеро школяре зоз осмей класи.

Ювилейне 20. Републичне змаганє будзе шветочно отворене после 9,30 годзин, школяре тести почню виполньовац на 10 годзин, а преглашенє резултатох предвидзене у чаше од 15 до 15,30 годзин.

Змаганє орґанизую Министерство просвити, науки и технолоґийного розвою Републики Сербиї, Дружтво за руски язик, литературу и културу и ОШ Петро Кузмяк.

ПОВЯЗАНИ ТЕКСТИ