ВЕРБАС – На дньовим шоре нєшкайшей єденастей схадзки Скупштини општини Вербас СО дзешец точки, а медзи иншим, одборнїки буду розпатрац предлоги одлукох о моделу и методи приватизациї Явного подприємства за информованє ”Вербас”, о критериюмох за катеґоризацию општинских драгох и улїцох на подручу вербаскей општини, та о вименкох и дополнєньох Одлуки о снованю Явней аґенциї за зоогиґиєну и польопривреду – ЯЗИП.
СО ше будзе занїмац и з кадровима питанями, понеже маю буц меновани директоре явних подприємствох чий снователь Општина – ”Дирекциї за вибудов”, ”Стандарду”, ”Вербас-ґазу”, ЯП За превоз путнїкох ”Вербас” и ЯП за информованє ”Вербас”.