НОВИ САД – У Ректорату Универзитету у Новим Садзе (УНС) нєшка будзе отримана конститутивна схадзка Клубу професорох-емеритусох УНС, а на основи одлуки Совиту Универзитету од 9. юния того року – пише новосадски Дневник. Схадзка будзе на 10,30 годзин.
Званє професора-емеритуса може буд додзелєнє порядному професорови у пензиї, у складзе зоз Законом и под условийом же ше окреме визначел зоз свою наукову, чи уметнїцку, фахову и педаґоґийну роботу, здобул медзинародни угляд и ма окремни заслуги за розвой и напредованє УНС и його факултетох.
Клуб професорох-емеритусох УНС перши такей файти у Сербиї, як орґанизована форма здружованя професорох-емеритусох и їх учасци у рижних дїялносцох академскей роботи.
За остатнї 10 роки за тото званє вибрани 41 член колективу УНС зоз шицких образовно-наукових и уметнїцких обласцох Универзитету.