НОВИ САД – У Заводзе за културу войводянских Руснацох нєшка будзе порядна схадзка Одбору за информованє Националного совиту (НС) Руснацох, а почнє на 12,30 годзин.
Члени Одбору за информованє НС нєшка буду бешедовац о можлївосцох дистрибуованя новинох „Руске слово” Руснацом до Горватскей, будзе дата информация о програми по руски на Радио „Клику”, як и о вимогох за финансованє проєктох Новинарскей асоцияциї Руснацох (НАР) и руских редакцийох електронских медийох за технїчну потримовку.
На дньовим шоре схадзки и Финансийни план Одбору за информованє НС за идуци рок, як и информация о просторийох НВУ „Руске слово” у Новим Садзе.