РУСКИ КЕРЕСТУР – Вирни рускокерестурскей парохиї нєшка преславюю треци дзень Пасхи и швето Дзуря. Вчера, на други дзень Велькей ноци, у шицких Службох Божих було мированє.
Нєшка на треци дзень Пасхи, пада и швето Дзуря, та Служби Божо у Катедрали буду на 8 и 19 годзин, а велька Служба зоз обрядом пошвецаня жита на 10 годзин будзе лєм у Водици. Зоз тоту Службу, на Дзуря почина и тогорочна сезона богослуженьох у тим нашим Марийовим святилїщу.
Обичай вельконоцного облїваня и надалєй жиє у Керестуре, та вчера хлапци и леґинє ходзели облївац свойо товаришки, а нєшка дзивки ходза облївац хлапцох.
