Нєшка уж петнаста „Веселинка”

автор зам
1.2k Опатрене

НОВИ САД – Нєшка на 17 годзин у Руским културним центре (РКЦ) у Новим Садзе почина 15. Фестивал дзецинскей творчосци Руснацох Войводини „Веселинка”.

На „Веселинки” участвую дзеци з Нового Саду, Коцура, Бикичу, Сримскей Митровици, Вербасу, Дюрдьова, Кули, а на рижних креативних роботньох з нїма буду робиц подобови уметнїк и педаґоґ Силвестер Макаї, члени „Креативного погону” з Нового Саду, аниматор „Мистер Твистер” (Ненад Дюкич), Станислав и Даниел Мудрох, ґлумци-аниматоре Борис Фейди, Славко Бучко и Иґор Горняк.

Музично-сценска програма дзецох, хтору буду водзиц Александра Живкович и Любица Фечо, почнє на 20 годзин.

Орґанизатор „Веселинки” РКЦ, а того року є пошвецена театру, з нагоди означованя 400-рочнїци Шекспировей шмерци.

Сценарий и режию „Веселинки” подписує Звонимир Павлович, а Фестивал финансийно потримую Министерства култури РС, покраїнски сеекретарияти за образованє и за културу, Город Нови Сад, Национални совит Руснацох, як и спонзоре.

ПОВЯЗАНИ ТЕКСТИ