РУСКИ КЕРЕСТУР – Тогорочни Майсторски бал будзе отримани нєшка у Ресторану „Червена ружа”, а орґанизує го Здруженє ремеселнїкох и приватних поднїмательох Руского Керестура.
За тогорочни бал пририхтана богата томбола вредносци понад 2 000 еври, а традицийно, на дзень балу, будзе орґанизоване дарованє томболи, предполадньом у Майсторским доме.
Майсторски бал ма найдлугшу традицию у валалє, того року госцох будзе забавяц „Пицикато бенд”, а Здруженє на бал поволує шицких своїх членох, алє и других заинтересованих госцох.