ШИД – Дзевяти по шоре Фестивал народних и тамбурових оркестрох „Мелодиї Руского двору” будзе отримани нєшка, 3. септембра, у Шидзе.
На Фестивал ше приявели дзевец оркестри – з Нового Орахова, Руского Керестура, Коцура, Нового Саду, Петровцох, и по два з Дюрдьова и Шиду. Кажди оркестер виведзе два вокално-инструментални и єдну инструменталну композицию.
Фахови жири додзелї награди за мали оркестер (до шейсц членох), вельки оркестер, будзе преглашена найлєпша композиция, а и публика вибере найлєпши оркестер по своїм смаку.
Фестивал почнє на 17 годзин на лєтнєй бини у порти Лєтнєй владическей резиденциї. Пред тим, на 16 годзин, будзе отворена вистава етно-штандох зоз стародавнима рускима єдлами и ручнима роботами хтору пририхтали жени з Бачинцох, Беркасова, Бикичу и Шиду.
Кед будзе подла хвиля, програма будзе отримана у сали Културно-образовного центру у Шидзе.